كانك نويت الهجر قبلك نويته
قربك غدى في ناظري مثل فرقاك
ما عاد ابي وصلك وحبك نسيته
غيرك كثير وراحة القلب جفواك
ما والله احدن في حياتي رجيته
لا تنتظر لحظة اجي واترجاك
حبك رحل عن خافقي ما بكيته
لا تحسب اني ميت فيك واهواك
قلبي امرني بالجفا ما عصيته
واكبر دليل اني من الوم بجفاك
اسمك وسط قلبي تراني محيته
ما بغاك انا ما بغاك ما بغاك ما بغاك
ارده اعصابك حبيبي وش عليك
حضرتك مرتاح والنار بيدي
عيبي اني بالصراحه مشتريك
وعيبك انك بالتلاعب مقتدي
قلبي اللي ما تعلم من هذيك ؟
وانته بي ادرى وعارف مقصدي
الختام بكلمتي .. مالت عليك
واطي و علّيت قدرك يا ردي.
......................................
لا تنصدم ما عدت شي بحياتي..
كلك على بعضك كرهتك وعفتك..
مابيك لو أنه وجودك غناتي..
حذفت أنا اسمك من سجلي وحذفتك..
صارت حياتي معك تشبه مماتي..
مافيك حاجه طيبه لا وصفتك..
عمر الخطا ما كان نوع بصفاتي..
حتى مشيت العام دربك وشفتك..
أنا غلطت بحق نفسي وذاتي..
غلطه بدت من يوم جبتك وضفتك..
داخل خفوق حط حبك مناتي..
تدري بصراحه ايش غلطة حياتي..
إني نزلت لمستواك وعرفتك